සැප්තැම්බරයේ දිග දවසක් - Septemberaye Diga Dawasak

ජීවිතය තරම් අති දක්ෂ  වේශ නිරූපකයකු තවත්  නැති තරම් ය. එය වරින්  වර විවිධ වේශයන්ගෙන් පෙනී සිටින අතර ම, අනෙකුන් ද නන් වෙස් ගන්වයි. එහෙයින් ඔවුන් එක්වර ම හඳුනාගත නොහැකි තරම් ය. ජීවත් වීම නමැති දුෂ්කර වූ ක්‍රියාන්විතයෙහි දී මෙම නොහැඳිනීම, අනවබෝධය අවුල් විෂයයන්ට මුල් වෙයි. එහෙත්, අඳුරු සාගර ගැඹුරින් අගනා මුතු මතු කරන්නා සේ, මෙම ජීවන අවුල ඇසුරින් ම වටිනාකම් ද හඳුනාගත යුතු වෙයි. "සැප්තැම්බරයේ දිග දවසක්" එහි අවසන් පිටුව දක්වා ම ඔබ කුතුහලයට පත් කරවයි. එහෙත්, ඒ කුතුහලය නිමා වනුයේ ජීවිතය පිළිබඳ භක්තිය වඩවමිනි.