අනන්ත අහස ඔබ - Anantha Ahasa Oba

"සාවි..." 

අඩි දෙක තුනක්  පෙරට තබා ඇවිද ගිය ඕ  යළි හැරී බැලුවේ ඒ හඬට  අවනතවය. හෝ හඬ නගන මුහුද මිස අනන්ත අහස මිස අන් කවරෙකුවත් නෙත ගැටෙන මානයක වූයේ නැත. මේ සිතයි. සිතුවිලි දැරූ නොසන්සුන් කමයි. නැවතුනහොත් හෝ යළි හැරුනහොත් සිදුවන්නේ පරාජය දෝතින් දරා ගැනුමටය. ඉදිරියට නෙරා ආ කුසයත් දරාගෙන අපහසුවෙන් ඇවිද එන සොයුරිය දුටු ඕ කොපුල් හරහා නිදහසේ රූරා වැටෙමින් තිබූ කඳුලු පිසදා ගත්තාය. සොයුරියගේ මුවඟෙහි වූයේ වෙහෙසකර සිනහවකි.