සරු තණ බිම් සොයා - Saru Thana Bim Soya

ජීවිතයේ මිහිර මගෙන්  ගිලිහෙන්නාක්  මෙන්  දැනෙන්නට පටන් ගෙන  තිබිණි. බොහෝ විට මා පසු වූයේ වික්ෂිප්ත භාවයෙනි. 

නිතරම මට නිවස මතක් විය. නංගි, මල්ලි, අම්මා සහ අප්පච්චි පෙනෙන තෙක් මානයක නොමැතිව ගෙවන ජීවිතය ගැන මට මහා කලකිරීමක් දැනෙන්නට විය. මට පාසල් සමය සිහි විය. පුලුන් රොදක් සේ සැහැල්ලුවෙන් ගෙවූ දිවිය මගෙන් ගිලිහී ගොස් තිබිණි. එය මා ඕස්ට්‍රේලියාවේ ගෙවන්නට අපේක්ෂා කළ ජීවිතය නොවුණු නිසා දිනෙන් දින මට එම ඒකාකාරී ජීවිතය නීරස විය.