අලි පාර - Ali Para

Robert Standish විසින් රචිත Elephant Walk කෘතියේ සිංහල පරිවර්තනය. 

බ්‍රිතාන්‍ය යුගයේ ලංකාවේ වැවිලිකරුවකුව සිටි ඩිග්බි ජෝර්ජ් ජෙරාට් (1898-1981) විසින් තමා ලද අත්දැකීම් ඇසුරෙන්, රොබට් ස්ටෑන්ඩිෂ් නම් ආරූඪ නාමයෙන් යුතුව ලියන ලද Elephant Walk නවකතාව එකල ලක්දිව ධනවත් වතුකරුවන්ගේ ජීවන රටා හා ඇවතුම් පැවතුම් මැනැවින් ප්‍රකට කරයි. වල් අලින්ගේ සුපුරුදු මං පෙතක් අහුරා ඉදිවන සුවිසල් මන්දිරයක්, අවසානයේ උන් අතින් වැනසෙද්දී ඊට මුහුණ දෙන වතු හිමි ඉංග්‍රීසි ජාතිකයා සහ ඔහුගේ රූමත් බිරිඳගේ කතාව වූ Elephant Walk එය ප්‍රථමයෙන් පළ වූ 1849 වසරේදී අතිශයින් ජනප්‍රිය වූ අතර, අනතුරුව එය ඇසුරෙන් හොලිවුඩ් චිත්‍රපටයක් ද එනමින් ම නිපදවිණ. 

Elephant Walk නවකතාව අලිපාර නමින් මෙසේ සිංහලට නඟන ලද ඉ. කොළොන්නගේ මහතාට, ඒ වෙනුවෙන් 1964 වර්ෂයේ දී හොඳම පරිවර්තන කෘතිය සඳහා වූ රාජ්‍ය සාහිත්‍ය සම්මානය හිමි විය.