පැරිස් වළාකුළු - Paris Walakulu

කුරුම්බැට්ටි මැෂිමකින්  සිහින  ඇද  හැලෙමින්  තිබේ. 

අඛණ්ඩව  ඇදහැලෙන ඒ සිහින, සබන් බුබුළු මෙන් අවකාශයේ පාවෙයි. පාවි පාවී, විසිර යන සිහින සුළඟෙහි පැටලෙයි. සියල්ල, කුරුම්බැට්ටි මැෂිමෙන් නික්ම එන රාවයට අවනත ය; 

අනුකූල ය. සවනට, මෘදංගයකින් නැඟී නින්නාද නඟන උදම් රළ මෙනි. සැහැල්ලුව විසිර යන ඇතැම් අනවසර සිහිනයක් දෙකක් ඈත අහසේ දී පැරිස් වලාකුළකට යාවෙයි. අනු සියලු බුබුළු එක්කෝ ඇස් දිෂ්ටිමානයෙන් අතුරුදහන්ව සැඟවෙයි, නැතහොත් අතරමඟදී බිදී වියැකෙයි. 

එසේ වුව අඛණ්ඩව සිහින ඇදහැලෙමින් තිබේ.