එලිසාගේ බලු පැටියා - Elizage Balu Patiya

Betsy Hearne විසින් රචිත  Eliza's Dog කෘතියේ  සිංහල  පරිවර්තනය.  

තමාට මතක ඇති කාලයේ පටන් එලිසා බලු පැටියකු ඇති කරන්නට ගන්නට ආසාවෙන් සිටියාය. ඈ තනිවමට බලු පැටියකු බලා කියාගන්නට හැකි වයසට ආ විට 'සමහරවිට, බලමු' යැයි ඇගේ දෙමව්පියෝ කියමින් සිටියහ. අන්තිමේදී අයර්ලන්තයේ ගත කළ කෙටි නිවාඩුවක් අවසන් වන්නට ඔන්න මෙන්න කියා තිබියදී ගමේ පොළේදී දකින්නට ලැබුණු එඬේර බලු පැටියකු කෙරෙහි එලිසාගේ සිත බැඳිණි. බොහෝ බැගෑපත්වීම් අවසානයේ අම්මාත්, තාත්තාත් බලු පැටියා මිලදී ගන්නට කැමැත්ත පළ කළ අතර එලිසාගේ පැතුම ඉටු විය. 

එහෙත් දැන් මේ බලු පැටියා චිකාගෝවල නිවසට ගෙන යන්නේ කෙසේද? ගුවන් සේවාවෙන් ඊට අවසර ලැබේවිද? බලු පැටියා ඌ ගෙන යන්නට නියමිත කූඩුවට වඩා ලොකු වේවිද? පෙරුම් පුරා ලබාගත් මේ සුරතල් බලු පැටියා එලිසාට අහිමි වේවිද?