මිස් එවර්ඩීන් - Miss Everdeen

Thomas Hardy විසින් රචිත Far From the Madding  Crowd කෘතියේ සිංහල  පරිවර්තනය. 

වෙදර්බරි ගම්මානයේ විශාල සත්ත්ව ගොවිපොළක හා වතුයායක පාලනය භාරගත් ස්වාධීන ධෛර්යය සම්පන්න යුවතියක වූ බාත්ෂෙබා එවර්ඩීන් හා ඇයගේ සමීපතමයින්ගේ චරිත හා ඔවුන් මුහුණ දුන් සිද්ධීන් මෙම නවකතාවට වස්තු වී ඇත. 

මෙම නවකතාවෙන් 19 වන සියවසේ මුල් භාගයේ එංගලන්තයේ පැවති කෘෂිකාර්මික සමාජය මෙන්ම එදාටත්, අදටත් පොදු යොවුන් ආදරය, අසම්මත මානව සබඳතා, සලෙළු ජනයාගේ රැවටිලිකාර බසට හසුවී ජීවිතවලින් වන්දි ගෙවන යුවතියන් හා ඔවුන්ගේ දරුවන්, ආදරයේ නාමයෙන් උමතුවෙන් මෙන් කටයුතු කරන්නන්, උඩඟු ලියන්, සැබෑ ආදරය වෙනුවෙන් කැපවීම් සිදු කරන්නන් ජීවන රඟ මඬලෙහි ඉදිරිපත් කරන චරිත මැනවින් විවරණය වෙයි. 

අපගේ ජීවන අත්දැකීම්වල නිම් වළලු පුළුල් කරවන ලෝ පතල මෙම නවකතාව තැපැල් දෙපාර්තමේන්තුවේ ජ්‍යෙෂ්ඨ පරිපාලන නිලධාරියකු හා නියෝජ්‍ය තැපැල්පතිවරයකුව සිටි ඇම්. ඇම්. පියවර්ධන මහතා විසින් සිංහලයට නගන ලදී.