තිත්ත කෝපි - Thiththa Kopi

වසර ගණනාවක්  එකිනෙකා  නුදුටු  ඥාති  සොහොයුරන් දෙදෙනෙක්  1859 වසරේ, මුළු ලන්ඩන් නුවරම මිහිඳුම් සළුවෙන් වැසී ගිය එක් රැයක, හදිසියේ එකිනෙකා හමුවෙති. දැන් ලංකාවේ වතු හිමියෙකුව සරුසාර දිවිපෙවෙතක් ගත කරමින් සිටින හියු නෙවිල් තම නිහඬ ඥාති සොහොයුරාගේ සිත තුළ නව බලාපොරොත්තු දල්වාලන්නේ ලංකාවේ තම කෝපි වතු යායට යාබදව ඇති අනෙක් වතු යායක් මිලට ගන්නට ටොම් පොළඹවා ගනිමිනි. එංගලන්තයෙන් සමුගන්නට සුළු කලකට පෙර රූමත් සාරා හමු වී විවාපත් වන ටොම්, ඇය ද කැටුව ලංකාව බලා පිටත් වෙයි. 

නන්නාඳුනන වතුයායක ඔවුන් අත්දකින දෑ සහ පියකරු සාරා හා සොයුරන් දෙදෙනාගේ දිවි පෙවෙත පිළිබඳවත්, අභියෝග හමුවේ නොසැලෙන ඔවුන්ගේ අප්‍රතිහත ධෛර්යය පිළිබඳවත් මෙහි විස්තර වෙයි. 

ක්‍රිස්ටීන් විල්සන්ගේ Bitter Berry නම් සුප්‍රකට නවකතාව අනුල ද සිල්වාගේ සිත් ඇදගන්නා සුළු බසින් සිංහලට නැඟෙන්නේ නොවෙනස් ප්‍රතිනිර්මාණයක් ලෙසිනි. 

Christine Wilson ගේ තවත් පොත් මෙතැනින් >>