ස්වප්න - Swapna

කුජනා ආරියවංශ  පුවත්පත් ලේඛිකාවකි. විශ්ව විද්‍යාලයේ ඉගෙනුම ලබන සමයේදී පැවති සාහිත්‍ය උළෙලකදී ඇයට ධනේෂ් උයන්ගොඩ නම් තරුණයා හඳුනාගැනීමට ලැබේ. ඒ වනවිට ඔහු සංස්කෘතික ඇමතිවරයාගේ සම්බන්ධීකරණ ලේකම් වශයෙන් හඳුනා ගත්තද, දේශපාලන ලෝකයට ධනේෂ් නැතිවම බැරි චරිතයක් බව කුජනා දැනගන්නේ පසුවය. රෝගීව පසුවන මවත්, විශ්‍රාමික පියාත්, ධන තන්හාවෙන් පසුවන නැගණියත් අතරේ ජීවන අරගලයට මැදිවන කුජනාට ධනේෂ් උයන්ගොඩ යෝජනාවක් කරයි. එය එක් ඇමතිවරයකුගේ ජීවිත කතාව ලිවීමේ කාර්යයයි. ඉන් ලැබෙන විශාල මුදල ගැන සිහින දකින ඇය එම යෝජනාව එක සිතින්ම භාර ගනියි. පොත ලියන කාලය තුළ ඇමතිවරයාගේ නිවසේ නතර වී සිටින කුජනාට බොහෝ අනපේක්ෂිත සිදුවීම් වලට මුහුණ දීමට සිදුවේ.