හිරු කිරණ - Hiru Kirana

කුවේනි කුමරිය  කවුළුවෙන් පිටත බැලුවා ය. රන්රසුදැලෙන් සමන්විත කවුළුතිර අග එල්ලා ඇති මිණිගෙඩි සුළඟින් ලෙළදෙන්නේ මිහිරි ස්වරයක් නංවමිනි. ඒ සත්සර නාදයයි. උද්‍යානය කෙළවරෙහි ඇති සහකාර වෘක්ෂයෙහි නලියන යම් සෙවනැල්ලක් දුටු කුමරිය තිගැස්සී එය දෙස බැලුවා ය. ඒ අඳුරු සේයාව තුරුපත් අතරින් තමා දෙස බලා මදහස නඟන්නේ යැයි කුමරියට සිතේ. එහි ඇත්තේ සෙනෙහසේ ආයාචනයකි.