සරුංගල් ලුහුබඳින්නා - Sarungal Luhubandinna

දොලොස්  හැවිරිදි  අමීර්ගේ  එකම  අරමුණ  ගමේ  පැවැත්වෙන  සරුංගල් තරගයෙන්  ජය  ගෙන  සිය  පියාගේ සිත දිනා ගැනීමයි. තමා දක්ෂයකු බව පියාට තහවුරු කර පෙන්වීමයි. හැම විටම ඔහුගේ සහායට ඉන්නා ඔහුගේ හිතෛෂී මිතුරා වන හසන් ඔහුට උදව් කිරීමට පොරොන්දු වෙයි. එහෙත් අඩු කුලයේ මෙහෙකරුවකු වන හසන් සතුව ඇති නිර්භීතභාවය නිසාත් ඔහු පිළිබඳව සිය පියාගේ සිතේ ඇති ඇල්ම නිසාත් අමීර් ඔහුට ඊර්ෂ්‍යා කරයි. මේ අතර තරගය පැවැත්වු දිනයේ සැන්දෑවේ හසන්ට මුහුණ දෙන්නට සිදුවන අතිශයින් කටුක අත්දැකීමත් සමග ඔවුන් සියලු දෙනාගේම ජීවිත දෙදරා යයි.