හියු-හියු හෙවත් රකුසා - Hue-Hue Hewath Rakusa

Henry Rider Haggard විසින් රචිත Hue-Hue; The Monster කෘතියේ සිංහල  පරිවර්තනය. 

දඩයක්කාර ඇලන් ක්වාටර්මේන්ට හියු-හියු නමින් හඳුන්වනු ලබන රකුසකු පිළිබඳ පුරාවෘත්තයක් සිකාලි නම් වාමන මන්ත්‍රකරුවාගෙන් දැන ගැනීමට ලැබෙයි. මේ රකුසා වාසය කරනුයේ මධ්‍යම අප්‍රිකාවේ මහා ගිරිදුර්ග හා වැලි කරතවලින් වටවුණු ඈත දුර්ගම ඉසව්වක ය. රකුසාගේ දරුණු ආධිපත්‍යයට යටවුණු අඩවියෙහි සුදු මිනිස් ගෝත්‍රයක් ජීවත් වෙති. පුරහඳ පායන සෑම රාත්‍රියක දි ම හියු-හියු රකුසා එම ගෝත්‍රයෙන් සුරූපී කන්‍යාවක බිල්ලක් වශයෙන් ගනී. 

දුෂ්කර ගමනකින් පසු ව හියු-හියු රකුසාගේ අඩවියට පැමිණෙන ඇලන් ක්වාටර්මේන්ට, එම ගෝත්‍රයේ රජුගේ දියණියන් රකුසාගේ ඊළඟ බිල්ල වශයෙන් තෝරා ගනු ලැබී ඇති බව දැනගන්නට ලැබෙයි. ඇය ඒ භයංකර ඉරණමෙන් ගළවා ගැනීමට ඉදිරිපත් වන දඩයක්කාර ක්වාටර්මේන්ට, සිය ජීවිතය ද අවදානමේ හෙළාගෙන, රකුසා සමඟ පමණක් නොව, රකුසා දේවත්වයෙහි ලා වැඳුම් පිදුම් කරන පූජක පිරිසක් සමග ද සටන් කිරීමට සිදුවෙයි.