මම වෙනස් වෙමි ලෝකය වෙනස් කරමි - Mama Wenas Wemi Lokaya Wenas Karami

මැදියම්  රැය ආසන්න  වනතෙක් සීත වලාවන්  අතරින් තාරකා පිරි නුබ  ගැබ සිසාරා ඒ මැදුරෙහි පියානෝවෙන් මිහිරි වාදනයක් ඇදී ආවා. ඒ පියානෝ වාදනය මාධූර්යයෙන් අනූනයි. හැම සෞම්‍ය රාත්‍රියකම මහ රෑ ඇසෙන මේ මිහිරි සංගීත සංධ්වනිවල රසවින්දේ නිදි වරාගෙන පාඩම් කළ දිළිඳු සරසවි ශිෂ්‍යයෙක්. ඒ දරුවා, අම්මත්, තාත්තත් නැති අනාථයෙක්. වයස දහඅටයි. එයා තමන්ගේ සියලු පාඩම් කටයුතු නවත්වලා මැදියම රැයට ඇසෙන මේ රමනීය පියානෝ වාදනයට සවන් දුන්නා. මේ මිහිරි පියානෝ වාදනය ලෝක ප්‍රකට පියානෝ වාදක ඉග්නාසි ෆිදරෙවුස්කිගෙ. ලෝකයේ නම් දරාපු පියානෝ වාදකයා. ලේසි පහසුවෙන් කෙනෙකුට හමුවෙන්න පුළුවන් මිනිසෙකු නොවන බවත් මේ සරසවි ශිෂ්‍යයා දැනගෙන හිටියා.දවසක් මේ පියානෝ වාදනය අහගෙන සිටි මේ දිළිඳු ශිෂ්‍යාට තමන්ගේ ඉගෙනීමේ කටයුතුවලට මුදල් සොයාගන්න කදිම අදහසක් පහළ වෙනවා. මේ මහා පියානෝ වාදකයා ලවා සරසවියේ පියානෝ වාදන ප්‍රසංගයක් පවත්වලා ඉන් ලැබෙන ලාභයෙන් ඉදිරි අධ්‍යාපන කටයුතුවලට යන වියපැහැදම් සොයා ගැනීම ඔහුගේ අරමුණ වුණා. ඔහු මේ අරමුණ තමන් වගේම දුප්පත් සරසවි ශිෂ්‍යයෙකුත් එක්ක සාකච්ඡා කළා.