සිහින සොයා - Sihina Soya

Anthony Eaton විසින් රචිත A New Kind of Dreaming  කෘතියේ සිංහල පරිවර්තනය. 

තම තමන්ගේ අතීතයට බියපත් වූ මිනිසුන් සිටින හුදකලා නගරයක් වූ පොර්ට් බැරන් වෙත දඬුවමක් ලෙස "හුදකලා වාසයට" යවනු ලබන යොවුන් වියේ තරුණයකු ඒ නගරයේ දී අතීතය වැළලී ගිය රහසක් හඹා යන අයුරු මෙම කතා පුවතේ අන්තර්ගත වේ. 2001 වර්ෂයේ දී A New Kind of Dreaming යනුවෙන් ඉංග්‍රීසි බසින් රචිත ඇන්තනී ඊටන් ගේ මෙම නවකතාව "සිහින සොයා" නමින් ඔබ අතට පත් වෙයි. 

සිය මනසට කතා කරන දැරියක ගේ හඬ ඔස්සේ සිහින සොයා යන ජෙම් නම් තරුණයා අවසානයේ තම දේශය අහිමිවූවෙක් ද, අවතැන්වූවෙක් ද, නැතහොත් ස්වදේශිකයෙක් ද යන්න දැන ගනිමින් තම අනන්‍යතාවය හෙළිදරව් කර ගනියි. නන්නාඳුනන මිනිසුන් අතර, තමන්ට හිතේෂිවන්ත අතළොස්සකට මැදිව යුතුකම් ඉටු කරනු පිණිස ත්‍රාසය අත්දකින යෞවනයකු ඔබට මෙහි මුණගැසෙනු ඇත.