හොරගල හෝටලය - Horagala Hotalaya

එදින රාත්‍රී  දොළහ වන  විට රුපියල් කෝටි දෙකක  මුදල්  බෑගය  අපරාධකරුවන් වෙත ලැබී තිබිණි. මුදල් බෑගය රැගෙන යාමට පැමිණ ඇත්තේ දෙදෙනකු යතුරුපැදියකිනි. එම යතුරුපැදියේ අංකය පොලිස් නිලධාරීන් විසින් ලියා තිබූ අතර, එය මෝටර් රථ ලියාපදිංචි කිරීමේ කාර්යාලයට යොමු කිරීමෙන් පසුව මෙවැනි නොම්මරයක් එහි නොමැති බවත් එය ව්‍යාජ අංකයක් බවත් දැනගත හැකි විය. මුදල් රැගෙන යන විට යතුරුපැදිකරුවන් අත්අඩංගුවට ගැනීමේ හැකියාව පැවතුණත් එවැනි දෙයක් ඔවුන් නොකළේ ඉන්ස්පෙක්ටර් රොමේෂ්ගේ උපදෙස්වලට අනුවයි. ඔහු එවැනි උපදෙසක් ඔවුනට ලබා දුන්නේ සත්සරා, වත්සරා, විසංග හා නිසංගගේ ජීවිත ගැන හිතාමතාය. සූදානම් කර තිබූ කප්පම් මුදල ඔවුනට නොලැබී ගියානම් මේ හතරදෙනාගේම ජීවිත විනාශ විය හැකිය.